hello everybody ..
for all who like the algerian phenomenon Lotfi Double Kanon ..I gift this song wich i worot its lyric and wish that someone will translate it ..i hope you like it
Intro (Aamr Khaled )
يكفي يا جماعة انو انتو تعرفوا...
ان اول من سجد لله بعد رسول الله إمرأة
وان اول من آمن بالله بعد رسول الله إمرأة
و ان اول من ادى الفرائض بعد رسول الله إمرأة
وأن اول من بشر بالجنة من أمة محمد إمرأة
وأن اول شهيد في الإسلام إمرأة
وأن اول شهيد في اوروبا من شهداء الصحابة إمرأة
وأن...
وأن...
وأن الله تبارك وتعالى لما ذكر مثل للمؤمنين
ضرب الله مثلا للذين آمنوا...
ربنا حـ، يقول مثل للمؤمنين
يا ترى مين بق من الرجال ؟
سيدنا عمر، ولا النبي فلان، ولا مين ؟
ضرب الله مثلا للذين آمنوا إمرأة فرعون
ده المثل الأولاني
بعد ما قال إمرأة فرعون
طب والمثل الثاني مين ؟
رجل مين به ؟
طب الأولاني إمرأة، طب والتاني ؟
.. ومريم ابنة عمران...
السيدة مريم !!!
يعني... معقولة ان مثل المؤمنين في كتاب الله ستات !!
ليه؟
اصل انت...
انت الأم...
وانت الزوجة...
وانت اللي بتربي العيال...
والجيل اللي جاي، انت اللي حــ، تطلعيه
واللي في بطنك ده.. هو الأمل...
يطلع صلاح الدين...
او يطلع شاب مستهتر بيشرب مخدرات، وضايع
فأنت...
إحنا... إحنا بين إيديك...
وأمل الأمة دون في ايديك .
( Lotfi Double Kanon )
يكذب عليك
يلعب بيك
يتمسخر بيك
اللي يقلك في هذه الدنيا كاينة حاجة خير من والديك
ماكانش منها
الهدرة هذي جامي تمنها
سورتو الام
في هذه الحياة، حاجة ما خير منها
هي رباتك
جامي خلاتك
تحب تعرف ليسطوار تاعك
روح سقسي خاوتك
يقولولك " الحكاية طويلة، منين حتحكي ؟ "
" من نهار الي بديت تمشي، ولا نهار اللي بديت تحبي "
كي تبكي ترضيك
كي تجوع تغذيك
كي تبرد تغطيك
وفي اللي ديما تبني عليك
ديجا، قبل ما تولد شحال سوفرات
كانت بالسيف ما ترقد
اي بورطون جامي شكات
تهز يديها للسماء، وديما تدعي...
في قلبها ثلاث كلمات :
" يا ربي احفظلي ولدي "
الخير هذا، باش نرجعوه محال، لا
مدام كيما هكا، مالا
قولو لماما
انا هنا ديما نموت عليك
قولو لماما
انا هنا ديما نخمم فيك
قولو لماما
انا هنا ديما نغير عليك
قولو لماما
انا هنا ديما نخاف عليك
مالقري لعوام تعدي، الأم تبقى تبعك
مام لكان تكبر، مازالت تشوف فيك ترضع في صبعك
بالنسبة ليها انت ديما طفل صغير
مهما تدير فيها تلقاها تحب لك غير الخير
الناس تحسدك
الناس كل تبخلك
هي لا سول في هاد الدنيا اللي جامي تخدعك
زيد خمم لي سوفونير ضرك يجيو
تفكر بكري خلاص كي كنت تمرض باللونجين
شكون اللي دواك ؟ شكون اللي سهر عليك ؟
كي تروح تفواياجي قولي شكون يخمم فيك ؟
والشيء اللي يحير، كي تكون بعيد عليها...
وتصرالك حاجة، هي في ساع توحى بيها !!!
كيفاه ؟ ما نعرف !!!
يقولو ناس بكري " راي الكبدة اللي تخبرها "
على ديكا الأم، نعمة من عند المولى
مدام كيما هكا مالا
قولو لماما
انا هنا ديما نموت عليك
قولو لماما
انا هنا ديما نخمم فيك
قولو لماما
انا هنا ديما نغير عليك
قولو لماما
انا هنا ديما نخاف عليك
الأم
نقلك، ثروة ما تفناش
لكان راحت عليك
c'est sure متعوضهاش
على جال ولادها
هي تمد الروح اللي فيها
دوماج كاين عباد ما يعرفوش القيمة تاعها
كاين اللي ينارفيها
كاين اللي يعيط عليها
كاين اللي يديها لدار العجزة وينساها
كاين اللي يجرحها بكلمة تخرج من فمو
وخسارة، كاين قداه من واحد يضرب امو
خاطراك، مشو راجل
والو ما كان في قلبو
نخمم عليه، كي يتقلب وحدو في قبرو
دمك من دمها
لحمك من لحمها
الرسول قال : باه يحبك ربي لازم تحبها
مام تروح للحج، وتدير اربعين عمرة
اللي ما ترضاش عليه امو
ما يعولش على الجنة
بلاك يربح الدنيا، بصح الآخرة
لا...لا
مدام كيما هكا مالا
قولو لماما
انا هنا ديما نموت عليك
قولو لماما
انا هنا ديما نخمم فيك
قولو لماما
انا هنا ديما نغير عليك
قولو لماما
انا هنا ديما نخاف عليك
قولو لماما
انا هنا ديما نموت عليك
قولو لماما
انا هنا ديما نخمم فيك
قولو لماما
انا هنا ديما نغير عليك
قولو لماما
انا هنا ديما نخاف عليك
قولو لماما
انا هنا ديما نموت عليك
قولو لماما
انا هنا ديما نخمم فيك
قولو لماما
انا هنا ديما نغير عليك
قولو لماما
انا هنا ديما نخاف عليك