من قال بموت لامن طحت من عيني
ولا تناسيت حبي قامت الساعه
يمكن شوية غلا من بيني وبينك
سويتها سالفه والروح ملتاعه
اتموت ماجبت راسي لو كثر زينك
واموت ما يشتكي قلبي من اوجاعه
ياللي تبي تطعن فؤادي بسكينك
النفس تامر ولكن مالها طاعه
صدقت نظرت عيونك في محبينك
والعين يا زين بعض احيان خداعه
لا تحسب انك ملكت القلب بيدينك
بدري على مثل سنك يلوي ذراعه
ما همني لو فنت في حبي سنينك
قلبي لي يصد صد و يصعب اقناعه
غرك جمالك حبيبي ربي يعينك
الزين قال المثل من زانت اطباعه
اذكر لي با غبت عني اسالك وينك
ياللي سيوف الجفا بي ديك قطاعه
مات الغرام ووروده في بساتينك
قلبن جرحته طوى من حبك شراعه