I found this sentences that the mesa7arati says to wake up the people to sahoor.. Please give me the translation. Thank you very much...
Ramadan kareem

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
ماسك طبلتي في ايدي بددق خمس دقات
دقة ملح فيها صميتنا يتغمس
وفول سحورنا يحلي بيها ويتدمس
ودقه بظبط بيها رتم دنيتنا
ودقه نصحصح الكسلان في سكتنا
ودقه فوق دماغ الظلم يتربي
ودقة قلب من غلبان شايل في طبلته محبه
اصحي يا نايم وحد الرزاق
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
رمضان يا زينه بين البيوت شابكه بيوتنه ببعضها
يمكن خفيفه وتبان خيوط زي الحديد في وصلها
واصله مابين شباك وحيط .. ومضلله شارع وغيط
ونور فانوسها في كل بيت ومجمعانا تحتها
اصحي يا نايم ... وحد الرزاق
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
من ليلة فاتت في المنام شفت وشوش ناس طيبه
تشبه وشوشكو الطيبين مرسوم علي جبينها الرضا
متجمعين يا مؤمنين علي حوض نبينا المصطفي
طل علينا شاورلنا بنور جبين ما ينطفي
وقالي اصحي وصحي ناسك .. صلو علي نور الهدي
قمت بصلي من المنام علي نبينا المرتضي
نبينا صلو عليه .. اللهم صلي عليه
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
مهما العطش نشف في ريقنا .. ولا الزحام سد في طريقنا
يفضل صيامنا دايما لاممنا علي سفره واحده مهما اتخاصمنا
دي الزحمه رحمه تجمع ما بينا واساع اخويا مهما اتزاحمنا
اصحي يا نايم وحد الرزاق
رمضان كريم

اصحي يا نايم اصحي يا نايم وحد الدايم
مسحراتي جي الليله دي عشان يصحي ابنك وولدك
وهعلي صوتي وافضل انادي يمكن غريبك يرجع يا بلدي .. اصحي يا نايم وحد الدايم
ده اللي بنالو من الغربه دار .. اكلت بيبانو وعتبة جداره
مش ضدك انت ولا ضد غيبتك لكن يا ولدي وحشاني غيبتك
افرد شراعك بطول دراعك وخلي عينك علي بر بلدك
اوعي الخواجه يهوي خداعك ويقولك احنا ناسك واهلك
اصحي يا نايم وحد الرزاق
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
لساكي يامه سايبه مكانا وطباقنا فاضيه علي السفره جمبك
ساعة الاذان مستنيانا ندق بابك نتلم عندك
آآآآآآه وتاخدني دنيا .. تشغللي بالي .. وانسي اني ابنك وحته منك
تكتر همومي وتزيد حمولي .. اجري عليكي وارجع لحضنك
يا ألف معني مهما اتوجعنا نرجع نلاقي حضنك جامعنا
اصحي يا نايم وحد الدايم
رمضان كريم

اصحي يا نايم يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
مانيش درويش ولا طمعان في لقمة عيش
ولا بمدة ايديا بعيش ماتفرقش معايا كتير سواء معايا ولا معاييش
ده صوتي جناح وطبل الريش ياخدني عند حلمي يطير
يشبعني باحلامي يصدق صوتي وكلامي
ولا عمرة يقولي مفيش
اصحي يا نايم وحد الرزاق
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
رغم انه متسلسل ابليس ومتأيد
يبقي في نفوس ناس يحكم ويتسيد
ويستغل طابور واشاره مقفوله
ويعكر الكلمه لو خارجه معسوله
يزحمنا في قلوبنا مانسعش بعضينا
نخسر في اعمالنا وصيامنا في ايدينا
بكملة تجرحنا قبل اما تجرح حد
لازم بقي نعقل معني صيامنا بجد
اصحي يا نايم وحد الدايم
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
مابين صفوف تراويح واقف وناس جنبي
واقف مابين مجاريح وبداوي في قلبي
لا دمعنا بنملكه واهاتنا مسموعه
احساسنا مين يمسكه والنفس موجوعه
قرآنها بيهزنا عشان يثبتنا
تراويحنا روح رمضان في شارعنا وفي بيتنا
اصحي يا نايم وحد الرزاق
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
رمضان في بيتنا ليه علامه مصحف وحاضن امساكية
تشهد عليا يوم القيامه ومعلماني الصفحه ديا
وصوت ابويا قبل الفطار وهو ماسك مصحفه
وطرحة امي بلون خضار وصوت دعاها بنعرفه
واخواتي لما يسبقوني بختمه ما تحسدهم عيوني
وافرح قوي لما ينادوني ويسألوني في الآيه ديا
لو كل دنيتنا اختبار يبقي رمضان الهديه
اصحي يا نايم وحد الدايم
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
ما بين وصفات كتير تتقال في طبق اليوم
لاحبابي عندي الليله وصفه مطلوبه
لا فيها لحمه وسمنه ولا خضار ولا توم
مقاديرها لينا قدر علي القلب مكتوبه
لازم نصفي قلوبنا للايام هتعسرها
ونقطف من اشواق فدادين نبعترها
ومعلقتين من الصبر ندوبهم
في صحبه حلوة وعشرة عمر قلبهم
ورش الفرح فوق الوش واتبسم
وبسم الله وخير ايامنا يتقسم
اصحي يا نايم وحد الرزاق
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
من فيض كرم رمضان .. فاضل عشر ايام
ومالي العشم قلبي تقبلني يا رحمن
فارش بروحي حصير لقلب متوضي
يسجد بشوووق لله لهمومه هيفضي
جايلك وخوفي من كسوفييحوش لساني يقول يا رب
تتقل كفوفي وهي شايله بين دعاها الف ذنب
ده فاضل 10 ايام ومالي العشم قلبي
اصحي يا نايم وحد الرزاق
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
مابين كلام في الجد وشوية هزار .. يفضل صيامنا معني لكلمة عايمة
يا اما تغرق مننا في قلب القرار .. يا اما تروح للبر التاني صايمه
صيامنا مهوش حرق لساعات الانتظار .. وناس تقضي نص صيامها نايمه
صيامنا ناس في الشمس بتصوم .. وفي عز النهار
وبتحيي ليلها لربها قايمه
اصحي يا نايم وحد الرزاق
رمضان كريم

اصحي يا نايم اصحي يا نايم وحد الدايم
مسحراتي من اهل بلدك جايلك يصحصح قلبك وبدنك
جوايا فكره بتزق فكره وامل ينادي علي شمس بكره .. اصحي يا نايم وحد الدايم
الليلة ليلة القدر عمرانه بالصلوات
وملايكة نازله الارض تملاها بالرحمات
رب العباد سبحانه يتجلي في السموات
ودموع عباد وكفوف ممدوده بالدعوات
يارب انظر لي نظرة رضا ورحمات
ثبت خطانا الجاية واغفر لنا اللي فات
اللهم انك عفو كريم تحب العفو فاعف عنا
رمضان كريم