Tags:
None
-
in the court
-
كنت ماشي فى يوم جراحى جوا قلبى معلمه
والدموع على خدى نازله وعينى ليها مسلمه
قولت ادعى ربنا
ورفعت ايدى للسما
التقيتنى فجاه واقف عند باب المحكمه
ناس كتير متجمعين الحيره ماليه وشهم
كلهم مستنين والخوف بيجرى فى قلبهم
قولت ادخل لما اشوفهم وابقى واحد منهم
شوفت قاضي وخلق واقفه وصوت بينده محكمه
شوفت ام ضانها واقف كان قريب منها
الحديد بينه وبينها عايزه تاخده فى حضنها
الدموع مالين عنيها والقلق باين عليها
قلبها محروق عليه ابنها ضاع منها
فضلت تصرخ تدعى وتبكى ولا حدش كده حاسس بيها
وادى اب علشان بناته مد ايده للحرام
النهارده بيشكى حاله من هيسمعله كلام
خاف عليهم من الزمان قال يسيبهم فى الامان
باع ضميره غصب عنه كل ده فى لحظة شيطان
واهو دلوئتى بيبكى وخايف من الى هيحصل تانى كمان
شوفت شاب يا ناس بيبكى فى القفص لما جابوه كان بيحلم يبقى حاجه
كان امل امه وابوه
جم صحاب السوء خدوه
وبكلامهم غيروه
ناسوه كل عزيز وغالى وفى طريقهم ضايعوه
ولما فى وقت الشده احتاجهم اتخلو عنهم وسابوه
وادى واحد فوق كتافه حمل اتقل من الجبال
انتهت يا ناس حياته وفى رقبته كوم عيال
وصلوه اخر الطريق مين يقول انه بريء كلمه واحده القاضي قالها ضيعتله كل شئ
مين بقى حس بجرحه وناره وهو فى دمعه لوحده غريق
شوفت اطفال والبرائه جوا منهم محبوسين
تاهو فى الدنيا الكبيره وهما لسه صغيرين
سكه واحده الى جابتهم فى الدموع يا ناس رامتهم
مقطوعين فى الدينا ديا والشوارع هى بيتهم
ولا فى حضن حنين طيب فكر يوم يمسح دمعتهم
ياللى فاكر انك انته بس وحدك فى العذاب لا تعالى فى ناس كتيره ده انته ورقه من كتاب
قول يا رب وهتلاقيه عيش وخلى ايمانا بيه
ده الى شايف جرح غيره جرحه هو يهون عليه
احمد ربنا مهما ادالك واوعى تقولو يارب ده ليهLast edited by itb402; 04-12-2009 at 03:05 AM.
-
Can some one translate this for me please. Thank you very much in advance.
