Tarik El shikh - Mawal

Can someone translate this for me please. Thank you very much in advance.
==============

http://www.youtube.com/watch?v=uWK3R...eature=related

حاليا بالاسواق
كدب وغش وغدر وقسوه
وفيه ازمه اخلاق
حاليا بالاسواق
ناس يكفينا الشر بتجرى تقطع فى الارزاق
الاحساس مبقاش له قيمه
والاخلاص بقى موضه قديمه
ولاد تسعة فى الشر بتسعى
ولفين رايحين محناش عارفين
ضايعين تايهين مجاريح مساكين
عايشين ومش عايشين
وجراح تجر جراح قوليلنا يا دنيا فين الدوا

عالم رايحه وعالم جايه وعالم تايهه فى وسط السوق
ونفوس والله ضايعه وضاله ناس حريفه اكل حقوق
الى يحبك علشانه عره والى كأنه مسكلك زله
والى بيغدر ويا ساتر استر لو كان رزقك على مخلوق
ولا الصاحب الى ملوش لازمه
الى يسيبك وقت الازمه
مهما اتهرب بكرة يجرب مهو من نفس الكاس هيدوق

غيرة وجرح وظلم يا دنيا ده الى فى الاسواق

ناس بتخونك وتزيد جرحك وبتفتحلك جرح قديم
وتخون عيشك وتخون ملحك وانت معاهم كنت كريم
كنت فاكرهم والله ملايكه لكن دول طلعو مع الرايجه
يخطفو حبك وتلاقى قلبك مبقاش فيه ولا جزء سليم
تدى حنان يترد قساوه تعمل خير يترد عداوه
ناس مش هما زي الغمه منهم يا رحمن يا رحيم

غيرة وجرح وظلم يا دنيا ده الى فى الاسواق


ناس مخنوقه وناس متضايقه وناس مش طايقه لبعض كلام
ناس مرتاحه وفايقه ورايقه ناس تتحايل على الايام
ناس جواها الشر بيرعى خلو الحب مجرد سلعه
عايز حب وشوق وموده ممكن بس هتدفع كام
حتى الحب خلاص راح زمانه بقى ليه سعر وكله بتمنه
تدفع اكتر تتحب أكبر والمساله مش عايزة علام

غيرة وجرح وظلم يا دنيا ده الى فى الاسواق

خلق بتسرق عمرك سرقه و على القسوه ميتوصوش
خير تعمل شر تلقى ناس بصراحه ميستهلوش
يخدوا حنانك ويزيدوا همك عايزين بس يمصو فى دمك
تفضل تدى وتدى وتدى يفضلو ياخدو ومبيدوش
يدخلو بيتك يكشفو سترك
يطلعو برا يجيبو فى سيرتك
ضهرك ضهرك وشك وشك دول على السر ميتأمنوش

غيرة وجرح وظلم يا دنيا ده الى فى الاسواق

احنا يا دنيا تعبنا يا دنيا واتعذبنا شهور وسنين
ياما عاشرنا وعيشنا وشوفنا بنى ادمين مش بنى ادمين
شوفنا الى بيتباهى بجهله والى ملوش خير حتى فى اهله
والى بيحرم نفسه يا دنيا علشان يسعد ناس تانيين
والى محدش ابدا همه والى بينكر لحمه ودمه
والى مزعل فيه ابوه وامه وعليه غضبوا ليوم الدين
غيرة وجرح وظلم يا دنيا ده الى فى الاسواق

please help