|
Ghetto lyrics
Pe chi cresce dint' ‘e ghette,
dint' ‘e zòne abbandunate a se stesse.
(Ghetto, ghetto, ghe, ghetto, ghetto).
Pe chi stà sott' ‘o stress,
pe chi ogni juorno
è sempe na scummessa…
Parti in power, sister:
ancora ggente ca va carenne, ancora troppi
probleme,
ancora troppi guagliune d' ‘o sistema
ca s'azzècchene, troppi scieme.
Guagliune senza lira ca fanno ‘e rapine
e si vuléssene faticà sul' ‘a niro,
uno cu' n'ato, ma quanti Giuda,
ca s'abbràccene e pò s' ‘o méttene ‘a culo.
Si vaje dint' ‘o Congo me pare ‘e stà ‘o Bronx:
criature ‘mpustate ca màrchene ‘a boss,
na guardata storta e te danno pure ncuollo,
dice n'ata parola e te ròmpene l'osse.
Disoccupati organizzati,
mazzate date, ma ancora niente è cagnato.
Cresciuta vicino ‘a nu centro sociale,
anormale p' ‘a ggente ca me guarda strano.
Si viene ‘e parte mì', viene dint' ‘o zoo,
vide ‘e vichinghi e capisce chi songo,
viene appriess' ‘a mme che si no affunne,
nun ghì appriess' ‘a nisciuno che si no arrefùnne.
Senz' educazione pure si vaco ‘a scola,
quanno parlo italiano faccio sempe quacche errore.
Ffaccio rummore pure ‘e trè ‘o juorno
e me ne fotto d' ‘a ggente ch' a chest'ora dorme.
(chorus): Stammo dint' ‘o scuro, dint' ‘a nu ghetto,
gente va carenne mmiez' ‘a munnezza,
gente ca vò ascì, ca rompe ‘e rezze:
tanto pò rummane dint' ‘a stessa merda!
Stammo dint' ‘o scuro, dint' ‘a nu ghetto,
gente ca se sbatte da reto ‘e cancelle,
chi se rassegne, chi se scerevelle:
tanto pò dimane è sempe ‘a stessa merda!
Ma che ne saje tu d' ‘o marucchino ca
te vò vénnere
pe forza l'accendino a via Marina
annanz' ‘a nu semaforo, annanz' ‘a nu microfono:
l'artista ‘e mmiez' ‘a vì', nu'nce chiédere l'autografo.
Street! Ma ch'he capite? Mmiez' ‘e
terroriste,
c' ‘e teppiste contr' ‘e sbirre,
‘o povero contr' ‘o ricco, ‘e comuniste
contr' ‘e fasciste,
‘o pizzo, ‘e cammurriste.
Nun cercà ‘e piglià suonno manco cchiù ‘a notte,
se respira sempe ‘a stess'aria cchiù sporca
p' ‘a Montefibbre e pò ‘a fabbrica de l'osse:
ce manca sulo l'inceneritore e stamm' apposto!
Mariuole che te vènene sotto,
vonno tutto chello ca tu tiene ncuollo,
cu' na pistola, c' ‘o curtiello mmano:
'Damme tutte ccose o si no te sparo!'.
Tiene l'uocchie apierte, accorto addo' vaje,
quanno iesce accorto cu' chi t' ‘a faje,
nun te fidà ca nun se sape maje
e cirche ‘e nun te mèttere mmiez' ‘e guaje.
Stammo ‘o Sud, troppi ccose storte:
‘o problemo è ca ce mànchene ‘e solde:
guagliune disperate se ne fujene ‘o nord,
ma manco stanno bbuono e se ne tornene.
(chorus):…
translate
|
Special Offer