Yeh Galiyan Yeh Chaubara Lyrics

Yeh galiyan yeh chaubara, yahan aana na dobaara -2
Ab hum to bhaye pardesi ke tera yahan koi nahin
Ke tera yahan koi nahin
Leja rang birangi yaaden, hasne rone ki buniyaaden
Ab hum to bhaye pardesi ke tera yahan koi nahin
Ke tera yahan koi nahin

Mere haathon mein bhari bhari choodiyan
Mujhe bha gayi hari hari choodiyan
Dekh milti hain teri meri choodiyan
Tere jaisi saheli mere choodiyan
Tune peesee woh mehndi rang layi
Meri gori hatheli rach aayi
Teri aankh kyoon laado bhar aayi
Tere ghar bhi baje.gi shehnaayi
Sawan mein badal se kehna, pardes mein hain meri behna
Ab hum to bhaye pardesi ke tera yahan koi nahin
Ke tera yahan koi nahin

Aa maaen milne gale, chale hum sasural chale
Tere angan mein apna bas bachpan chod chale
Kal bhi suraj niklega kal bhi panchhi gayenge
Sab tujhko dikhayi denge par hum na nazar ayenge
Aanchal mein sanjo lena humko
Sapnon mein bula le.na. humko
Ab hum to bhaye pardesi ke tera yahan koi nahin
Ke tera yahan koi nahin

Dekh too naa humein bhulaana, mana door humein hai jaana
Meri alhad si athkheliyaan, sada palkon bich basaanaa
Jab bajne lage baje gaaje, jag lagne lage khali khali
Us dam tu itna samajhna meri doli uthi hai phoolon wali
Thode din ke yeh naate the kabhi hanste ke gate the
Ab hum to bhaye pardesi ke tera yahan koi nahin
Ke tera yahan koi nahin
Yeh galiyan yeh chaubara, yahan aana na dobaara
Ab hum to bhaye pardesi ke tera yahan koi nahin
Ke tera yahan koi nahin

Hinzugefügt von Guest